Weather update : महाराष्ट्रावर धडकणार मोठं संकट; पुढील 2 दिवस महत्त्वाचे
महाराष्ट्रात आज पुन्हा एकदा मुसळधार ते अतिमुसळधार पावसाचा इशारा हवामान विभागाकडून (IMD)देण्यात आला आहे. राज्यातील बहुतांश भागात आज पावसाची शक्यता आहे. हवामान विभागानं दिलेल्या इशाऱ्यानुसार आज मराठवाड्याच्या विविध भागांमध्ये विजांच्या कडकडाटासह हलक्या ते मध्यम स्वरुपाच्या पावसाची शक्यता आहे. सोबतच वादळी वाऱ्याचा इशारा देखील देण्यात आला आहे. विदर्भात समाधानकारक पाऊस झाला नव्हता मात्र गेले दोन दिवस पावसानं दमदार हजेरी लावली आहे. दरम्यान पुढील 24 तासांमध्ये विदर्भात विजांच्या कडकडाटासह मध्यम स्वरुपाच्या पावसाचा इशारा हवामान विभागाकडून देण्यात आला आहे. कोकणाबाबत बोलायचं झाल्यास पुढील 24 तासांमध्ये कोकणातील जिल्ह्यांमध्ये मुसळधार ते अतिमुसळधार पावसाचा अंदाज हवामान विभागाकडून वर्तवण्यात आला आहे. ढगाळ वातावरण राहील असंही हवामान विभागानं म्हटलं आहे. मुंबईत पुढील 24 तास ढगाळ वातावरण राहणार असून, काही ठिकाणी हलक्या ते मध्यम स्वरुपाच्या पावसाची शक्यता हवामान विभागाकडून वर्तवण्यात आली आहे. या काळात मुंबईचं तापमान 35 अंश सेल्सिअसच्या दरम्यान राहण्याची शक्यता आहे. दरम्यान या काळात नुसता पाऊसच पडणार नसून, वादळाच्या रुपानं मोठं संकट देखील समोर आहे. या काळात ताशी 50 ते 60 किमी वेगानं वारं वाहू शकतं असा अंदाज हवामान विभागाकडून वर्तवण्यात आला आहे. हवामान विभागाकडून आज पालघर, ठाणे, मुंबई, धुळे, नंदुरबार, नाशिक, कोल्हापूर, अकोला, अमरावती, भंडारा, बुलडाणा, चंद्रपूर, गडचिरोली, गोंदिया, नागपूर, वर्धा, वाशिम, यवतमाळ या जिल्ह्यांना यलो अलर्ट देण्यात आला असून, या जिल्ह्यांमध्ये अतिमुसळधार पावसाचा अंदाज आहे.
2024-07-01T09:35:31Z
Maharashtra Superfast : तुमच्या जिल्ह्यातील बातम्यांचा वेगवान आढावा : 03 July 2024
मराठा आरक्षण सुनावणी, राज्य मागासवर्ग आयोगाला हायकोर्टाची नोटीस, १० जुलैच्या सुनावणीत भूमिका स्पष्ट करण्याचे निर्देश, आयोगाला प्रतिवादी करण्यास विरोध करणाऱ्या याचिकाकर्त्यांची माघार. ६ जुलैला मुंबईच्या षण्मुखानंद हॉलमध्ये महायुतीचा मेळावा, मेळाव्यात विधानसभा निवडणुकीच्या प्रचाराचे रणशिंग फुंकले जाण्याची शक्यता. दूध उत्पादकांना प्रति लिटर ३० रुपये शिवाय पाच रुपये अनुदान असे ३५ रुपये शेतकऱ्यांना मिळणार, तर दूध भुकटी निर्यात करणाऱ्या प्रकल्पांना किलोमागे ३० रुपये देणार, मंत्री राधाकृष्ण विखे पाटलांची घोषणा. दहावी-बारावीच्या पुरवणी परीक्षा १६ जुलैपासून सुरू होणार, कोणतेही शुल्क न घेता विद्यार्थ्यांना हॉलतिकीट उपलब्ध करुन देण्याचे शाळांना आदेश. दीक्षाभूमी परिसरातील भूमिगत पार्किंगच्या कामाला विरोध करणाऱ्या आंदोलकांवरील गुन्हे मागे घ्या, आरपीआयच्या सचिन खरात यांची मागणी. एबीपी माझाच्या बातमीचा दणका. महिलांकडून पैसे उकळणाऱ्या निलंबित तलाठी तुळशीराम कंठाळेविरोधात गुन्हा दाखल. वरुड पोलीस स्टेशनमध्ये गुन्हा दाखल. एबीपी माझानं सर्वात आधी दाखवली होती बातमी. छत्रपती संभाजीनगरच्या समाज कल्याण कार्यालयात उपोषण करणाऱ्या विद्यार्थ्यांची प्रकृती खालावली, महाज्योती फेलोशिप मिळावी या मागणीसाठी गेल्या ३ दिवसांपासून विद्यार्थ्यांचं उपोषण सुरु. बीडच्या केकत सारणी गावात चार तरुणांचं शोले स्टाईल आमरण उपोषण, धनगर समाजाला एसटी प्रवर्गातून आरक्षण देण्याची तरुणांची मागणी. अंबादास दानवे यांच्या निलंबनाविरोधात ठाकरे गट आक्रमक. छत्रपती संभाजीनगरात जोरदार घोषणाबाजी करत सरकारचा केला निषेध. अंबादास दानवे यांच्या समर्थनार्थ लावले बॅनर.
2024-07-03T15:34:39Z