KELAVALI WATERFALL: केळवली धबधब्यात पोहताना युवक बुडाला

One Drowned in Kelavali waterfall: लोणावळा येथील भुशी डॅममध्ये पाच जण वाहून गेल्याच्या घटनेमुळे सर्वत्र खळबळ उडली आहे. अशात साताऱ्यातूनही असाच धक्कादायक प्रकार समोर आला आहे. सातारा तालुक्यातील परळी खोऱ्यातील केळवली येथील धबधब्यात पोहण्यासाठी गेलेला एक 22 वर्षीय तरुण बुडाल्याची घटना घडली आहे. रविवारी ही घटना घडली असून सुट्टी असल्याने कराड येथील काही तरुण केळवली येथील धबधबा पाहण्यासाठी गेले होतो. दरम्यान धबधब्याच्या खोल डोहात पोहण्यासाठी हे तरुण गेले असताना पोहताना ही दुर्दैवी घटना घडली आहे. ऋषिकेश रमेश कांबळे (रा. सैदापूर, ता. कराड) असे बुडालेल्या तरुणाचे नाव आहे.

ऋषिकेशला पोहताना पाण्याचा प्रवाह आणि डोहाच्या खोलीचा अंदाज न आल्याने तो बुडल्याचे मित्रांकडून सांगण्यात आले. या घटनेची माहिती मिळताच ग्रामस्थ तसेच पोलिसांकडून तात्काळ घटनास्ठळा गाठत शोध मोहीम राबवली. मात्र, धबधब्यातील पाण्याचा प्रवाहामुळे शोध मोहिमेत अडथळा निर्माण होत होता. त्यानुसार, उशीरापर्यंत शोध मोहिम सुरु होती.

काल रविवारची सुटी असल्याने सैदापूर येथील 22 वर्षीय ऋषिकेश कांबळे (वय-२२) हा त्याच्या दोन मित्रांसोबत केळवली धबधबा बघण्यासाठी गेले होते. यावेळी ऋषिकेश पोहण्यासाठी पाण्यात उतरला पोहताना तो धबधब्याच्या पाण्याच्या मुख्य प्रवाहात आल्याने वाहून गेला.

ही घटना लक्षात येताच ग्रामस्थांना घटनास्थळी धाव घेतली तसेच पोलिसांना घटनेबाबत माहिती दिली. त्यानुसार, दुपारी 12 वाजेपासून ऋषिकेचा शोध घेण्यास सुरुवात झाली. मात्र, पाण्याचा मोठा प्रवाह आणि सुरु आलेल्या पावसामुळे शोध मोहिमेत अडचण येत होती. सायंकाळी उशीरापर्यंत शोधमोहिम सुरु होती.

भुशी डॅममध्ये 5 जण बुडाले

राज्यात सध्या अनेक ठकाणी जोरदार पाऊस होत आहे. या पावसामुळे नदी, तालाव, धबधबे आणि धरणे ओसंडून वाहत आहे. पावसाळ्यातील धबधबे पर्यटकांना खुणवतात. अशात पर्यटकांचे आकर्षण असलेल्या लोणावळ्यात दरवर्षी असंख्य पर्यटत पावसाळी पर्यटनाचा लाभ घेण्यासाठी येतात. मात्र काहींसाठी हे पावसाळी पर्यटन जिवघेणे ठरते. असाच प्रकार लोणावळा येथील भुशी डॅममध्ये रविवारी घडला. या ठिकाणी पाच जण वाहून गेल्याची घटना घडली आहे. यात 1 महिला आणि 4 मुलांचा समावेश आहे होतो. त्यात याच दिवशी साताऱ्यातील केळवली धबधब्यात पोहताना युवक बुडाला या दोन्ही घटनांमुळे सर्वत्र हळहळ व्यक्त केली जात आहे.

2024-07-01T04:31:06Z dg43tfdfdgfd