PUNE TRAFFIC CHANGES:अंगारकी चतुर्थीमुळे पुण्यातील वाहतुकीत बदल, पर्यायी मार्ग जाणून घ्या

Pune Traffic Changes: पुणेकरांसाठी महत्वाची बातमी आहे. पुण्यातील श्रीमंत दगडुशेठ हलवाई गणपतीच्या (Shrimant Dagdusheth Halwai Ganpati) दर्शनासाठी राज्यभरातून भाविक येत असतात. अंगारकी चतुर्थीला (Angarki Chaturthi 2024) बाप्पाच्या दर्शनासाठी येणाऱ्यांची संख्या तर आणखी वाढते. त्यामुळे गर्दी आणि वाहतूक कोंडी कमी करण्यासाठी वाहतूक विभागाला काही पावले उचलावी लागतात. अंगारकी चर्तुर्थीनिमित्त पुण्यातील (Pune) वाहतुकीत बदल करण्यात आले आहेत. मिळालेल्या माहितीनुसार, शिवाजीनगर रोड (Shivajinagar Road) हा मंगळवारी वाहतुकीसाठी बंद ठेवण्याचा निर्णय घेण्यात आला आहे. वाहनचालकांनी शिवाजीनगर रोडऐवजी पर्यायी मार्गांचा वापर करावा, असं आवाहन पोलिसांनी केलं आहे. शहरातील वाहतूक कोंडी कमी करण्यासाठी वाहतूक विभागाने वाहतुकीत बदल केला आहे. (Pune News)

अंगारकी चतुर्थीच्या दिवशी दगडुशेठ हलवाई गणपतीच्या मंदिराच्या आसपासच्या भागात प्रचंड गर्दी होते. तसेच रस्त्यावर वाहतूक कोंडी होते. ही वाहतूक सुरळीत करणं, हे पोलिसांसमोरचं मोठं आव्हान असतं. तसेच अनेक तास ट्रॅफिकमध्ये अडकून पडल्याने भाविकांचा त्रास वाढतो. त्यामुळे खबरदारीचा उपाय म्हणून प्रशासनाने मंगळवारी मध्य पुण्यातील वाहतूक व्यवस्थेत काही बदल केले आहे. नागरिकांची गर्दी टाळण्यासाठी शिवाजी रोड बंद राहील. (Due To Angarki Chaturthi Traffic Changes In Pune)

वाहनचालकांनी पर्यायी मार्गाचा वापर करण्याचे आवाहन करण्यात आले आहे. (Pune Traffic) पीएमपी बसेस, फोर व्हिलर तसेच अवजड वाहनांना शिवाजी रोडवर मंगळवारी गर्दी संपेपर्यंत बंदी असल्याची माहिती मिळाली आहे. फोर व्हिलर आणि टू- व्हिलर वाहनांवर लाल महाल चौकापासून निर्बंध राहतील. (Pune Latest News)

वाहतुकीसाठी पर्यायी मार्ग

• पूरम चौकातून शिवाजीनगरकडे जाणाऱ्या वाहन चालकांना टिळक रोडने पुढे टिळक चौक आणि मग नामदार गोपाळकृष्ण गोखले रोडने जाता येईल.
• अप्पा बळवंत चौकामधून पुढे बुधवार चौकाकडे जाणाऱ्या वाहन चालकांनी बाजीराव रोडने प्रवास करावा.
• शिवाजी रोडवरुन स्वारगेटला जाणाऱ्यांना स.गो. बर्वे चौकातून जंगली महाराज रोडवरुन खंडोजीबाबा चौक आणि टिळक चौकातून पुढे जावे.
• स. गो. बर्वे चौकातून पुणे मनपा भवनाकडे जाणाऱ्यांनी स.गो. बर्वे चौकातून जंगली महाराज रोडने झाशी राणी चौकातून डावीकडे वळून पुढे जावे.

पुण्यातील नागरिकांनी अंगारकी चतुर्थीनिमित्त वाहतुकीत करण्यात आलेले बदल आणि पर्यायी मार्ग लक्षात ठेवावे. या बदलांनुसार आपल्या प्रवासाचे नियोजन करावे. पुणेकरांना त्रास होऊ नये म्हणून वाहतूक विभागाने बदल केले आहेत पण त्यामुळे दुसऱ्या भागात वाहतूक कोंडी वाढू नये, अशी अपेक्षा व्यक्त करण्यात आली आहे.

2024-06-25T04:07:15Z dg43tfdfdgfd