LOK SABHA ELECTION 2024 PHASE 2 VOTING PERCENTAGE: लोकसभेच्या दुसऱ्या टप्प्यात महाराष्ट्र, यूपी आणि बिहारमध्ये सर्वात कमी मतदान

Lok Sabha Election 2024 2nd Phase Voting Percentage: 18व्या लोकसभा निवडणुकीच्या दुसऱ्या टप्प्यातील 13 राज्ये आणि केंद्रशासित प्रदेशांमधील 88 मतदारसंघांतील मतदान पूर्ण झाले आहे. संध्याकाळी 5 वाजेपर्यंत देशातील 13 राज्ये आणि केंद्रशासित प्रदेशांमध्ये 60.7% मतदान झाले. मणिपूर, छत्तीसगड, बंगाल, आसाम आणि त्रिपुरामध्ये 70% पेक्षा जास्त मतदान झाले, तर उत्तर प्रदेश, बिहार आणि महाराष्ट्रात सर्वात कमी मतदान झाले. सांयकाळी 5 वाजेपर्यंत उत्तर प्रदेशमध्ये 52.6%, बिहारमध्ये 53% आणि महाराष्ट्रात 53.5% नोंदवले गेले.

या राज्यांमध्ये पार पडले दुसऱ्या टप्प्यातील मतदान

आज लोकसभेच्या दुसऱ्या टप्प्यात केरळमधील सर्व 20 जागा, कर्नाटकातील 28 जागांपैकी 14 , राजस्थानमध्ये 13 जागा, महाराष्ट्र आणि उत्तर प्रदेशमध्ये प्रत्येकी 8 जागा, मध्य प्रदेशात 7 जागा, आसाम आणि बिहारमध्ये प्रत्येकी 5 जागा, छत्तीसगड आणि पश्चिम बंगालमध्ये प्रत्येकी 3 जागा. , आणि मणिपूर, त्रिपुरा आणि जम्मू आणि काश्मीरमधील प्रत्येकी 1 जागेसाठी आज मतदान झाले आहे. पहिल्या टप्प्यात देशभरात सुमारे 65.5% मतदान झाले होते, त्यानंतर दुसऱ्या टप्प्यात मतदानाची टक्केवारी वाढली आहे. पंतप्रधान नरेंद्र मोदी यांनी देखील दुसरा टप्पा खूप चांगला राहिला अशी प्रतिक्रिया दिली आहे.

दुसऱ्या टप्प्यात संध्याकाळी 5 वाजेपर्यंत कोणत्या राज्यात किती मतदान?

आसाम: 70.66%

बिहार: 53.03%

छत्तीसगढ: 72.13%

जम्मू-कश्मीर: 67.22%

कर्नाटक: 63.90%

केरळ: 63.97%

मध्य प्रदेश: 54.42%

महाराष्ट्र: 53.51%

मणिपूर: 76.06%

राजस्थान: 59.19%

त्रिपुरा: 76.23%

उत्तर प्रदेश: 52.64%

पश्चिम बंगाल: 71.84%

पंतप्रधान नरेंद्र मोदींनी मानले मतदारांचे आभार

पंतप्रधान नरेंद्र मोदी यांनी दुसऱ्या टप्प्यातील मतदानानंतर मतदारांचे आभार मानले आहेत. सोशल मीडिया प्लॅटफॉर्म X वर केलेल्या पोस्टमध्ये मोदी म्हणाले की, "दुसरा टप्पा खूप चांगला राहिला. आज मतदान करणाऱ्या भारतभरातील लोकांचे आभार. एनडीएला मिळालेला अभूतपूर्व पाठिंबा विरोधकांची आणखी निराशा करणार आहे. मतदारांना एनडीएचे सुशासन हवे आहे. युवा आणि महिला मतदार एनडीएच्या भक्कम पाठिंब्याला ताकद देत आहेत".

दुसऱ्या टप्प्यातील प्रमुख उमेदवार

दुसऱ्या टप्प्यातील प्रमुख स्पर्धकांमध्ये काँग्रेस नेते राहुल गांधी आणि शशी थरूर, कर्नाटकचे उपमुख्यमंत्री डीके शिवकुमार यांचे भाऊ डीके सुरेश आणि कर्नाटकचे माजी मुख्यमंत्री एचडी कुमारस्वामी, केंद्रीय मंत्री राजीव चंद्रशेखर, भाजपच्या तेजस्वी सूर्या, हेमा मालिनी आणि अरुण गोविल यांचा समावेश आहे. या सर्व उमेदवारांचे भवितव्य मतपेटीत कैद झाले आहे. सात टप्प्यांपैकी पहिल्या टप्प्या 21 राज्ये आणि केंद्रशासित प्रदेशांमधील 102 जागांसाठी गेल्या शुक्रवारी म्हणजेच 19 एप्रिल रोजी मतदान प्रक्रिया पार पडली.

2024-04-26T14:16:59Z dg43tfdfdgfd