HUSBAND KILLED WIFE: व्हिडिओ कॉल जीवावर बेतला, चारित्र्याच्या संशयातून पतीने पत्नीला संपवलं

Husband Killed Wife In Nagpur: नागपूर शहरातून एक धक्कादायक घटना समोर आली आहे. नागपूरच्या कपिल नगर पोलीस स्टेशन हद्दीत अंगावर काटा आणणारी ही घटना घडली आहे. या ठिकाणी मित्राला व्हिडिओ कॉल करणे एका विवाहितेच्या जीवावर बेतला आहे. चारित्र्याच्या संशयातून पतीने डोक्यात लोखंडी रॉड मारून आपल्या पत्नीची हत्या केली आहे. या प्रकरणी पोलिसांनी आरोपी पतीला अटक केली असून गुन्हा दाखल केला आहे. मन्नत कौर असं मृत पत्नीचं नाव आहे.

याबाबत पोलिसांकडून मिळालेल्या माहितीनुसार, दोन वर्षांपूर्वी आरोपी विकी विर्क आणि मन्नत कौर यांचा प्रेमविवाह झाला होता. सुरुवातीला दोघांचा संसार सुरळीत सुरु होता. या दाम्पत्याला 2 वर्षाचा मुलगा देखील आहे. सुरुवातीचे काही दिवस सारे काही सुरळीत सुरू होते. मात्र विकीला जुगाराचे सवय जडली. तसेच तो पत्नी मन्नत हिच्यावर संशय घेऊ लागल्याने काही दिवसांपासून दोघात वाद सुरू होते. सततच्या वादाला कंटाळून मन्नत गेल्या काही दिवसांपासून माहेरी राहत होती आणि ती घटस्फोट घेऊ इच्छित होती. पण विकीला हे मान्य नव्हते.

व्हिडिओ कॉल बेतला जीवावर

मृत मन्नत कौर सोशल मीडियावर खूप सक्रीय असायची. तसेच ती जिममध्ये देखील जात होता. यावरून पती-पत्नीमध्ये नेहमी वाद व्हायचे आणि या वादामुळे मन्नत विकीपासून दूर माहेरी राहत होती. दरम्यान, विकी हा तीला भेटायला जात होता. त्यानुसार, 25 जून रोजी विकी मन्नतला भेटण्यासाठी तिच्या माहेरी गेला होता. दरम्यान, रात्री दोघांमध्ये वाद झाला आणि विकी बाहेर गेल्यानंतर मन्नतने आपल्या जिममधील एका मित्राला व्हिडियो कॉल केला. व्हिडिओ कॉलवर बोलत असताना मध्येच तिने पती आल्याचे सांगून फोन ठेवला. या व्हिडिओ कॉलवरुन विकी आणि मन्नत यांच्यात पुन्हा वाद झाला आणि विकीने मन्नतच्या डोक्यात लोखंडी रॉड मारुन तिची हत्या केली. याप्रकरणी मन्नतच्या भावाच्या फिर्यादीवरुन कपिल नगर पोलिस स्टेशनला खुनाचा गुन्हा दाखल करण्यात आला असून पोलिसांनी आरोपी पतीला ताब्यात घेतले आहे.

2024-06-27T02:59:38Z dg43tfdfdgfd