Maharashtra rain alert : महाराष्ट्रात पुढील काही तासांत मुसळधार पाऊस
महाराष्ट्राला अवकाळी पावसानं झोडपून काढलं आहे, पाऊस सुरूच आहे. दरम्यान आजही राज्यात हवामान विभागाकडून (IMD) पुन्हा एकदा पावसाचा इशारा देण्यात आला आहे. अवकाळी पावसाचा पिकांना मोठा फटका बसला आहे. हवामान विभागानं दिलेल्या इशाऱ्यानुसार आज मध्य महाराष्ट्र आणि मराठवाड्यात विजांच्या कडकडाटासह जोरदार पाऊस पडण्याची शक्यता आहे. पावसासोबतच गारपिटीचा देखील इशारा देण्यात आला आहे. दुसरीकडे हवामान विभागाकडून विदर्भात देखील विजांच्या कडकडाटासह जोरदार पावसाची शक्यता वर्तवण्यात आली आहे, विदर्भाच्या काही भागात देखील गारपीट होण्याची शक्यात आहे. दरम्यान नुसता पाऊसच पडणार नसून पावसासोबत वादळी वाऱ्याचा देखील इशारा देण्यात आला आहे, या काळात वाऱ्याचा वेग ताशी 40 ते 50 किमी असू शकतो असं हवामान विभागानं म्हटलं आहे. त्यामुळे पावसासोबतच वादळाचा देखील तडाखा बसण्याची शक्यता आहे. हवामान विभागाकडून आज महाराष्ट्रातील नाशिक, जळगाव, अहमदनगर, छत्रपती संभाजीनगर, बीड, सातारा, पुणे या जिल्ह्यांना पावसाचा ऑरेंज अलर्ट देण्यात आला आहे. तर जालना, अकोला, अमरावती, नांदेड, लातूर, यवतमाळ, सोलापूर, सांगली यासह अनेक जिल्ह्यांना हवामान विभागाकडून पावसाचा यलो अलर्ट देण्यात आला आहे.मुंबईबाबत बोलायचे झाल्यास मुंबई आणि उपनगरात दिवसभर उष्ण वातावरण राहणार आहे, मात्र सायंकाळाच्या सुमारास मेघगर्जनेसह पावसाची शक्यता वर्तवण्यात आली आहे.
2024-05-17T02:13:08Z
ABP Majha Headlines : 12 PM : 17 May 2024 : Maharashtra News : एबीपी माझा हेडलाईन्स
छगन भुजबळ नाराज असल्याचं कानावर, जयंत पाटलांची प्रतिक्रिया तर भुजबळ फक्त जागावाटपार्यंतच नाराज होते, तटकरेंचं स्पष्टीकरण शरद पवारांचा मुक्काम असलेल्या हॉटेलला सुनील तटकरेंची भेट, अनिल देशमुखांचा दावा, संपर्कात आलं तरी कोणालाही परत घेणार नसल्याचं वक्तव्य ११ मे पासून माध्यमापासून दूर असणारे अजित पवार महायुतीच्या सभेत भाषण ठोकणार अजितदादा पुन्हा सक्रिय झाल्याची तटकरेंची माहिती मुंबईतल्या शिवाजी पार्कवर होणाऱ्या महायुतीच्या सांगता सभेत मोदी आणि राज ठाकरेंची तोफ धडाडणार , सभेपूर्वी मोदी चैत्यभूमी, सावरकर स्मारक आणि बाळासाहेब स्मृतीस्थळाला भेट देणार गेल्या १० वर्षांपासून बहुमत असतानाही संविधान बदलण्याचा प्रयत्न नाही,.... केवळ राजकीय स्थैर्यासाठीच ४०० जागा हव्यात... केंद्रीय गृहमंत्री अमित शाहांचं स्पष्टीकरण महामुंबईसाठी बीकेसी मैदानावर इंडिया आघाडीची महासभा.. शरद पवार, उद्धव ठाकरे, मल्लिकार्जुन खरगेंसह अरविंद केजरीवालही उपस्थित राहणार मुंबई पोलिसांना चकवा देण्यासाठी चार शहरं फिरणारा भावेश भिंडे अखेर उदयपूरमधून गजाआड, घाटकोपर होर्डिंग दुर्घटनेप्रकरणी मोठी कारवाई, तपास गुन्हे शाखेकडे दहावी आणि बारावी बोर्डाचा निकाल मे महिन्यातच, बारावीचा येत्या आठवड्यात तर दहावीचा शेवटच्या आठवड्यात निकाल जाहीर होणार मुंबईत उष्णतेसोबत आर्द्रता वाढणार, दमट वातावरणामुळे उकाड्यात आणखी भर पडणार, २४ तास उष्ण आणि दमट वातावरण यंदा मान्सून महाराष्ट्रात वेळेवर दाखल होणार, ७ जून रोजी मान्सून तळकोकणात दाखल होण्याचा अंदाज तर जून महिन्यात चांगल्या पावसाचा शक्यता
2024-05-17T07:13:51Z