SHIV PUJA VIDHI: शिवलिंगावर बेलपत्र अर्पण करताना तुम्ही ही चूक तर करत नाहीना?

Shiv Puja Vidhi: शास्त्रानुसार, शिवशंकराला देवांचे देव महादेव मानले जाते. शिव, महेश, भोलेनाथ, निळकंठ अशा विविध नावाने महादेव पूजले जातात. महादेवाच्या पूजेला अनेक तिथी समर्पित आहे. परंतु प्रामुख्याने सोमवार आणि महाशिवरात्रीचे विशेष महत्त्व आहे. त्यात महाशिवरात्री ही वर्षातून एकदाच येते तर सोमवार हा प्रत्येक आठवड्यात येतो. त्यामुळे इतर तिथींसह सोमवारी न चूकता अनेक जण महादेवाची पूजा करतात. भोलेनाथ हे नावा प्रमाणेच साधेभोळे असून साधे जल अर्पण केल्याने देखील ते प्रसन्न होत भक्तानांवर कृपा करतात. महादेवाच्या पूजेत बेलपत्रला विशेष महत्त्व आहे. बेलपत्र अर्पण केल्यास महादेव अतिप्रसन्न होत विशेष कृपा करतात. मात्र, बेलपत्र आर्पण करताना अनेक जण चूका करतात. अशा परिस्थितीत पूजेचे अपेक्षित असे फळ प्राप्त होत नाही. त्यामुळे बेलपत्र अर्पण करण्याचे नियम काय आहे? जाणून घेऊया.

महादेवाला प्रिय आहे बेलपत्र

महादेवाच्या पूजेमध्ये भस्म, चंदन, फुलांप्रमाणे बेलपत्रालाही विशेष महत्त्व आहे. महादेवाला बेलपत्र खूप प्रिय आहे आणि म्हणूनच शिवभक्त शिवलिंगावर बेलपत्र अर्पण करतात. मान्यतेनुसार, शिवलिंगावर, विधीवत आणि नियमानुसार बेलपत्र अर्पण केल्यास इच्छित फळ प्राप्त होते.

बेलपत्र अर्पण करताना पाळा हे नियम

- मान्यतेनुसार, महादेवाची पूजा ही अत्यंत साधी आहे. साध्या जलाभिषेकाने देखील शिवपूजा संपन्न होते. असे असले तरी काही साधे नियम आहे, जे प्रामुख्याने पाळले पाहिजे. शिवलिंगाला बेलपत्र अर्पण करण्यासंदर्भात हे नियम आहे. त्यानुसार लक्षात ठेवा की, तुम्ही शिवलिंगावर बेलपत्र अर्पण करत असाल तर त्याचे मुख शिवलिंगाकडे असले पाहिजे. म्हणजेच बेलपत्र उलटे करून शिवलिंगावर अर्पण करावे.

- बेलपत्र अर्पण करताना ते कसे अर्पण करावे, हे अनेकांना माहित नसते. त्यामुळे लक्षात ठेवा की, शिवलिंगावर बेलपत्र अर्पण करताना अनामिका, मधले बोट आणि अंगठ्याचा वापर करावा.

- कोणताही देव आसो, पूजेत जलाभिषेकाला विशेष महत्त्व आहे. त्यामुळे महादेवाला बेलपत्र अर्पण करताना शिवलिंगावर जलही अर्पण करावे. असे केल्याने सकारात्मक परिणाम प्राप्त होतात.

- शास्त्रानुसार, शिवपूजेदरम्याने पूजा सामग्री ही खंडीत नसावी. त्यानुसार, लक्षात घ्या की, शिवला अर्पण करण्यात येणारे बेलपत्राची पाने फाटलेली किंवा तुटलेली नसावीत. चुकूनही असे बेलपत्र अर्पन करु नये. असे केल्याने पूजेचे पूर्ण फळ मिळत नाही. पूजेत फाटलेल्या बेलपत्राचा समावेश करु नका.

- शिवलिंगावर बेलपत्र अर्पण करताना लक्षात घ्या की, शिवलिंगावर, 3, 5, 7, 9 किंवा 11 या प्रामाणे बेलपत्र अर्पण करावे. विषम संख्येत बेलपत्र आर्पण केल्याने अधिक लाभ होतो. बेलपत्र अर्पण करताना जर तुम्ही या सर्व नियमांचे पालन केले तर महादेवाचा आशीर्वाद लाभतो.

(टीप- येथे दिलेली माहिती धार्मिक मान्यता आणि गृहितकांवर आधारित आहे. Times Now Marathi या माहितीचे समर्थन करत नाही. यासाठी संबंधित क्षेत्रातील तज्ज्ञांचा सल्ला आणि मार्गदर्शन घेणे आवश्यक आहे.)

2024-05-08T09:33:52Z dg43tfdfdgfd