RAILWAY TICKET CONCESSION: ज्येष्ठ नागरिकांसाठी आनंदाची बातमी, रेल्वेच्या तिकीट दरात सवलत मिळण्याची शक्यता

Railway Ticket Concession For Senior Citizen : रेल्वेकडून नेहमी प्रवाशांच्या सोयीसाठी अनेक निर्णय घेण्यात येत असतात. ज्येष्ठ नागरिकांसाठी रेल्वेने एक मोठा निर्णय घेतला आहे. तुमच्या कुटुंबातील ज्येष्ठ नागरिक खूपदा रेल्वेने प्रवास करत असतील. त्या व्यक्तींचा आता तिकीटाचा खर्च थोडा कमी होणार आहे. कारण रेल्वेने ज्येष्ठ नागरिकांसाठी तिकीटामध्ये सवलत देण्याचा निर्णय घेतला आहे.

याआधी रेल्वेकडून ही सवलत दिली जात होती. मात्र कोरोनाच्या काळात रेल्वेने काही बदल केले. त्यात ज्येष्ठ नागरिकांना (Senior Citizen Ticket Concession) देण्यात येणारी तिकीट सवलत बंद करण्यात आली होती. त्यानंतर पुन्हा एकदा आता ज्येष्ठ नागरिकांना तिकीटामध्ये सवलत देण्याचा निर्णय घेण्यात येणार असल्याची माहिती मिळाली आहे. त्यामुळे ज्येष्ठ नागरिकांच्या तिकीटाच्या किमती चार वर्षानंतर पुन्हा एकदा कमी होतील. (Railway News)

स्लीपर कोचमधून प्रवास करणाऱ्या ज्येष्ठ नागरिकांसाठी तिकीट दरात सवलत

मीडिया रिपोर्टनुसार, ज्येष्ठ नागरिकांसाठी रेल्वे तिकीटांच्या दरामध्ये सवलत दिली जाण्याची शक्यता आहे. पण एसी कोचऐवजी फक्त स्लीपर कोचसाठी ही सूट दिली जाईल, असा अंदाज आहे. स्लीपर कोचमधले प्रवासी आर्थिकदृष्ट्या सक्षम नसल्याचे सांगण्यात येते. त्यामुळेच अशा लोकांना तिकीटावर सवलत मिळणार आहे. (Indian Railway)

सवलत मिळण्यासाठी काय करावे लागणार ?

या सवलतीचा फायदा घेण्यासाठी इच्छुक असलेल्या लोकांना रिझर्व्हेशन (Railway Ticket Reservation) फॉर्म भरताना सवलतीच्या कॉलममध्ये माहिती भरावी लागणार आहे. फक्त तुमचं वय जास्त आहे, हे ग्राह्य धरुन आपोआप सवलत मिळणार नाही. त्यासाठी रिझर्व्हेशन फॉर्ममध्ये सवलतीच्या कॉलमवर क्लिक करावे लागेल. तिकीट बुक करताना जे या कॉलमवर क्लीक करतील त्यांनाच सवलतीचा लाभ घेता येईल. मिळालेल्या माहितीनुसार, प्रत्येक प्रवाशाला ही सवलत वर्षातून दोन ते तीन वेळा देण्यात येणार आहे. कोरोनाच्या आधी एसी कोच (AC Coach)आणि स्लीपर कोचमधून (Sleeper Coach) प्रवास करणाऱ्या ज्येष्ठ नागरिकांना ५० टक्क्यांपर्यंत सूट देण्यात यायची. (How To Get Concession On Railway Ticket)

ज्या व्यक्तींचे वय 60 वर्षांपेक्षा जास्त आहे अशा लोकांना 40 टक्के सूट दिली जायची. तर 58 वर्षांपेक्षा जास्त वयाच्या महिलांना 50 टक्के सूट मिळायची. कोरोननंतर ही सवलतीची पद्धत बंद करण्यात आली. त्यानंतर आता पुन्हा एकदा सवलतीबाबत विचार सुरु आहे. रेल्वेकडून याविषयीची अधिकृत घोषणा होण्याची आता सगळे जण वाट बघत आहेत.

2024-06-27T07:12:56Z dg43tfdfdgfd