PUNE DIVE GHAT VIDEO : दिवे घाटात रुग्णवाहिकेच्या मागे लटकून तरुणांचा जीवघेणा प्रवास, पुण्याचा धक्कादायक व्हिडिओ

प्रशांत श्रीमंदिलकर, पुणे : दिवे घाटातून प्रवास करताना काही तरुण चक्क रुग्णवाहिकेच्या मागच्या बाजूला लटकत असल्याचं पाहायला मिळालं. ॲम्बुलन्सला मागे पकडून चौघा जणांनी हा जीवघेणा प्रवास केल्याचं समोर आलं आहे. या धक्कादायक घटनेचा व्हिडिओ सोशल मीडियावर व्हायरल झाला आहे.

संत ज्ञानेश्वर महाराजांची पालखी दिवे घाटातून सासवडमध्ये दाखल झाली. या पालखी सोहळ्यानंतर दिवे घाट नागरिकांसाठी खुला करण्यात आला आहे. घाटातून सासवडकडे येताना काही तरुणांनी ॲम्ब्युलन्सला मागे पकडून प्रवास केल्याची माहिती आहे.

सोशल मीडियावर व्हिडिओ व्हायरल

काही स्थानिक नागरिकांनी हा व्हिडिओ काढून सोशल मीडियावर पोस्ट केला. या घटनेचा व्हिडिओ सध्या सोशल मीडियावर तुफान व्हायरल होत आहे. असा धोकादायक प्रवास जीवावर बेतू शकतो. त्यामुळे अशा प्रवास करणाऱ्यांना आळा बसवणे गरजेचे असल्याचे बोलले जात आहे.

संत तुकाराम महाराज आणि संत ज्ञानेश्वर महाराजांच्या पालख्यांना पुणेकरांनी नुकताच निरोप दिला. हडपसरमध्ये गेल्यानंतर तुकाराम महाराज पालखी व संत ज्ञानेश्वर महाराज पालखी या दोन्ही वेगवेगळ्या दिशेला जातात. संत ज्ञानेश्वर महाराजांची पालखी दिवे घाटातून सासवडकडे जाते. पालखी सासवडमध्ये दाखल झाल्यानंतर दिवे घाट सर्वसामान्यांना प्रवासासाठी खुला करण्यात आला.

पाहा व्हिडिओ :

वारकऱ्यांच्या ॲम्ब्युलन्सला लटकून प्रवास

यावेळी, दिवे घाटाकडून हडपसरकडे येताना रात्रीच्या सुमारास काही तरुण ॲम्ब्युलन्सला लटकले असल्याचे पाहायला मिळाले. ही ॲम्ब्युलन्स वारकऱ्यांसाठी देण्यात आली आहे. मात्र ॲम्ब्युलन्सच्या मागच्या बाजूला काही तरुण धोकादायकरित्या प्रवास करत असल्याचे दिसत आहेत, असे या व्हिडिओमध्ये पाहायला मिळत आहे. यावेळी रुग्णवाहिकेचा वेग देखील अधिक असल्याचं पाहायला मिळत आहे.

कारण चिंताजनक

हडपसर मार्गे गाडी मिळत नसल्याने हा धोकादायक प्रवास केल्याची माहिती समोर येत आहे. मात्र हा धोकादायक प्रवास जीवावर बेतू शकतो, याचं भान ठेवणं गरजेचं आहे. प्रवास करणाऱ्या तरुणांच्या सुरक्षेबाबत आता सवाल उपस्थित केला जात आहे.

Read Latest Maharashtra News Updates And Marathi News

व्हिडिओ व्हायरल झाल्यानंतर ही घटना समोर आली आहे. अशा प्रकारचा प्रवास करणे शक्यतो टाळावे, असे आवाहन अनेक नागरिकांकडून करण्यात येत आहे.

अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या.

2024-07-03T05:06:19Z dg43tfdfdgfd