PARBHANI CRIME: धक्कादायक! परभणीत सैराट, आंतरजातीय विवाहाला विरोध करत पोटच्या मुलीची जन्मदात्यांनी केली हत्या

Parbhani Honour Killing : प्रेम प्रकरणाला (love Marriage) विरोध करात आई-वडिलांनी पोटच्या मुलीची हत्या केल्याचा प्रकार परभणी जिल्ह्यात घडला. ऑनर किलिंगच्या (Honour Kiling in Parbhani) या घटनेने परभणी जिल्हा हादरला आहे. आई-वडिलांचा विरोध असताना मुलीने आंतरजातीय विवाहाचा (Inter Cast Marriage) निश्चय केला होता. यामुळे मुलीचे आई-वडिल नाराज होते, त्यांनी या विवाहाला विरोध होता. त्यातुनच ही धक्कादायक घटना घडली आहे. परभणी जिल्ह्यातील पालम तालुक्यातील नाव्हा या गावातील या घटनेमुळे संपुर्ण जिल्ह्यात खळबळ घडली आहे.

याबाबत माहिती अशी की, परभणीच्या (parbhani) पालम तालुक्यातील नाव्हा येथील एका 19 वर्षीय युवतीचे गावातील दुसऱ्या जातीतील युवकासोबत प्रेम संबंध होते. या प्रेमसंबंधातून दोघांनी प्रेमविवाह करण्याचा निर्णय घेतला होता. मात्र, या आंतरजातीय विवाहाला मुलीच्या आई वडिलाचा विरोध होता. मुलीने आंतरजातीय विवाह करु नये असे आई-वडिलांना वाटत होते. मात्र, तरुणी आपल्या निर्णयावर ठाम होती. त्यात 21 एप्रिल रोजी रात्री 10 ते 22 एप्रिलच्या पहाटे दरम्यान, नाव्हा येथे तरुणीच्या आई-वडीलांनी तिची हत्या केली.

या हत्येनंतर (Parbhani murder crime) आरोपी आई-वडिलांनी अत्यंत थंड डोक्याने विचार करत या हत्तेचे पुरावे नष्ट करण्यासाठी मृतदेहाची विल्हेवाट लावण्याचा निर्णय घेतला. त्यानुसार ही बाब कोणाला कळू नये म्हणून त्याच रात्री भावकीतील मोजक्या लोकांना सोबत घेत तरुणीचा मृतदेह गावातील स्मशानभूमीत नेऊन जाळला. मात्र काही कालावधीने हा प्रकार उघडकीस आल्यानंतर पोलीस निरीक्षक रावसाहेब गाडेवाड यांनी दिलेल्या फिर्यादीवरून मृत तरुणीचे आई, वडील आणि भावकीतील इतर सहा जण अशा एकूण आठ जणांवर हत्येचा गुन्हा दाखल करण्यात आला आहे.

दरम्यान, या घटनेमुळे ऑनर किलिंगचा मुद्दा पुन्हा चर्चेत आला आहे. एकीकडे फूले, शाहू,आंबेडरांच्या विचारांचा पुरोगामी महाराष्ट्र अशी राज्याची ओळख असताना आजही अशा प्रकारच्या घटना घडत असल्याने चिंता व्यक्त केली जात आहे.

2024-05-05T01:12:58Z dg43tfdfdgfd