Navi mumbai building collapsed: नवी मुंबई आज पाहटे एका भीषण अपघाताने हादरली आहे. नवी मु्ंबईच्या बेलापूरमधील सेक्टर 19 मधील शाहबाज गाव येथे ही दुर्घटना घडली आहे. यात तीन मजली इमारत अक्षरशः पत्त्यासारखी कोसळली. 26 कुटुंब राहत असलेली ही इमारत पहाटे 4 वाजून 30 मिनिटांच्या सुमारास कोसळली. सुदैवाने या दुर्घटनेत एका रिक्षावाल्याच्या प्रसंगावधनामुळे मोठी जीवितहानी टळली आहे. मात्र, दोन जण ढिगाऱ्याखाली दाबले गेले. अग्निशमन दलाचे जवान आणि पोलीस घटनास्थळी दाखल होत त्यांनी युद्ध पातळीवर बचाव कार्य करत दोघांना बाहेर काढले आहे.
याबाबत माहिती अशी की, नवी मुंबईतील बेलापूर परिसरातील शहाबाज भागात 'इंदिरा निवास' ही तीन मजली इमारत कोसळली. निकृष्ट दर्जाच्या बांधकामामुळे ही इमारत कोसळत मोठी दुर्घटना झाल्याचे प्राथमिक तपासात समोर आले आहे. 26 कुटुंब असलेल्या या इमारतीला पहाटे हादरे बसण्यास सुरुवात झाली. यावेळी इमारतील सर्वजण साखर झोपेत होते. हादरे जाणवताच नागरिकांना जाग आली आणि तातडीने सर्व कुटुंबीयासह इमारतीच्या बाहेर पडले. मात्र, 2 जण इमारतीत अडकले आणि ते इमारतीच्या ढिगाऱ्याखाली अडकले. या घटनेबाबत अग्निशामक दल आणि पोलिसांना माहिती मिळताच त्यांनी तत्काळ घटनास्थळी धाव घेत बचाव कार्यास सुरूवात करत ढीगाऱ्याखाली अडकलेल्या दोघांना सुखरूप बाहेर काढले.
मुंबईसह परिसरात सध्या मुसळधार पाऊस पडत आहे. संततधार पावसामुळे निकृष्ट बांधकाम असलेले तसेच जुन्या इमारतींना धोका निर्माण झाला आहे. अशाच ही मोठी दुर्घटना घडली आहे. सुदैवाने एका रिक्षा चालकाच्या सतर्कतेमुळे या घटनेत मोठी जीवितहानी ठळली. आज पहाटे 4 च्या सुमारास इमारतीखाली हा रिक्षा चालक आला असता त्याला बिल्डींगच्या पिलरमधून आवाज येत असल्याचे त्याच्या निदर्शनात आले. ही संभाव्य धोका लक्षात घेत या रिक्षा चालकाने तात्काळ इमारतीतील रहिवाशांना माहिती दिली. माहिती मिळताच सर्व जण जागे होत त्यांनी तात्काळ इमारत रिकामी केली. त्यानंतर काही वेळातच ही इमारत कोसळली आहे. कोसळणारी इमारत पाहूण रहिवाशांनी एकच आक्रोष केला होता. डोळ्या देखत होत्याचे नव्हते होत मोठे नुकसान नागरिकांचे झाले. मात्र, सुदैवाने जीवितहानी टळली. या रहिवाशांसाठी रिक्षा चालक एक प्रकारे देवदूत ठरला आहे.
2024-07-27T04:56:52Z dg43tfdfdgfd