MUMBAI AHMEDABAD BULLET TRAIN: मुंबई-अहमदाबाद बुलेट ट्रेन पहिली झलक, ताशी 350 किमी वेगाने स्वप्ननगरीकडे धावणार
Mumbai Ahmedabad Bullet Train: मुंबई अहमदाबाद बुलेट ट्रेनबाबत एक मोठी अपडेट समोर येत आहे. या ट्रेनची पहिली झलक समोर आली आहे. ही ट्रेन मुंबई ते अहमदाबाद या मार्गावर धावणार आहे. देशातील या पहिल्या बुलेट ट्रेन मार्गाचे काम अतिशय वेगाने सुरू आहे. मिळालेल्या माहितीनुसार पहिली बुलेट ट्रेन गुजरातमधील वडोदरा येथून मुंबईच्या दिशेने धावणार आहे. गुरुवारी बुलेट ट्रेनचे प्रकल्प संचालक प्रमोद शर्मा यांनी वडोदरा येथील बुलेट ट्रेन प्रकल्पाची पाहणी केली.
प्रकल्पाची पाहणी केल्यानंतर प्रमोद शर्मा म्हणाले, बुलेट ट्रेन प्रकल्पाची एकूण लांबी 508 किलोमीटर असून प्रकल्पाची एकूण किंमत 1.08 लाख कोटी रुपये आहे. या प्रकल्पाचे संपूर्ण काम जपानी तंत्रज्ञानाच्या साह्याने केले जात आहे. आतापर्यंत या प्रकल्पातील 212 किमी मार्गाचे काम पूर्ण झाले असून उर्वरित काम प्रगतीपथावर आहे. बुलेट ट्रेन प्रकल्पासाठी पायाभरणीच्या 345 किमीपैकी 333 किमी, तर 145 किमीपैकी 212 किमीचे काम पूर्ण झाले आहे. गर्डर टाकण्याचे कामही पूर्ण झाले आहे.
प्रकल्पासाठी 100 टक्के भूसंपदान पूर्ण
बुलेट ट्रेन प्रकल्पासाठी 100 टक्के जमीन संपादित करण्यात आल्याची माहिती प्रकल्प संचालकांनी दिली. गुजरातमधील सुरत आणि आनंदजवळ ट्रॅक उत्पादन तळांच्या स्थापनेसह 35000 MT पेक्षा जास्त रेल्वेची खरेदी करण्यात आली आहे. प्रकल्प आणि ट्रॅक बांधकाम यंत्रांचे चार संच खरेदी केले आहेत, यात पार, पूर्णा, मिंधोला, अंबिका, औरंगाबाद, वेंगानिया, मोहर, धाधर, कोलक, वात्रक आणि कावेरी नदीसह 11 नद्यांवर पूलांचा समावेश आहे, असेही त्यांनी सांगितले.बुलेट ट्रेन ताशी 350 किमी वेगाने धावणार
मुंबई अहमदाबाद बुलेट ट्रेन ताशी 320 किमी वेगाने धावणार आहे. या ट्रेनचा कमाल वेग ताशी 350 किमी असेल. सुरत आणि बेलीमोरा दरम्यान 2026 मध्ये ट्रायल रनचे लक्ष्य आहे. महत्त्वाचे म्हणजे या प्रकल्पासाठी सर्व सिव्हिल आणि ट्रॅक मशिनरी भारतात बनवली जात आहे. आतापर्यंत वडोदरा शहरातील बुलेट ट्रेनच्या 87.5 किमी लांबीच्या रुळावर दोन्ही बाजूंना नॉईज बॅरिअर्स लावण्यात आले आहेत, त्यापैकी 50 टक्के काम पूर्ण झाले आहे.अहमदाबाद ते मुंबई दरम्यान 12 स्थानके
अहमदाबाद ते मुंबई दरम्यान 12 बुलेट ट्रेन स्टेशन्स बांधली जाणार आहेत. यामध्ये गुजरातमधील वापी, बेलीमोरा, सुरत, भरूच, वडोदरा, आनंद, अहमदाबाद आणि साबरमती येथे स्थानके बांधली जातील, तर महाराष्ट्रात मुंबई, ठाणे, विरार येथे सर्व स्थानके लोकल थीमवर आधारित असतील. सर्व रेल्वे स्थानकांच्या पायाभरणीचे काम पूर्ण झाले असून डिसेंबर 2025 पर्यंत ही सर्व बुलेट ट्रेन स्टेशन तयार होतील अशी अपेक्षा आहे. या बुलेट ट्रेन प्रकल्पाचे काम जेवढ्या वेगाने सुरू आहे त्याच वेगाने कर्मचारी आणि अधिकाऱ्यांना प्रशिक्षणही दिले जात आहे.वडोदरा स्टेशनचे काय आहे वैशिष्ट्ये ?
- 3 मजली स्टेशन बांधले जाईल
- 2 बेट प्लॅटफॉर्म असतील
- 4 ट्रॅक असतील
- स्टेशनची उंची 34.5 मीटर असेल
- वडोदरा येथील पांड्या पुलाजवळ 16467 स्क्वेअर मीटर परिसरात बुलेट ट्रेन स्टेशन असेल.
- बुलेट ट्रेन स्टेशनची रचना वटवृक्षाच्या प्रोफाइल आणि पानांवरून प्रेरित असेल.
- सध्या स्थानकाच्या पहिल्या मजल्याचा स्लॅब टाकण्याचे काम सुरू आहे, 10 पैकी 1 स्लॅब पूर्णपणे तयार आहे.
- स्टेशनमध्ये वेटिंग एरिया, चाइल्ड केअर, रेस्टरूम, रेस्टरूम, किरकोळ, व्यावसायिक दुकाने आणि साइनेज असतील.
- बिझनेस क्लास लाउंजही आणि लॉकरची सुविधा असेल
- कार, बस, तीनचाकी वाहनांसाठी पार्किंगची सोय असेल