IRCTC SINGAPORE MALAYSIA PACKAGE: जोडप्यांमदील प्रेम पुलवणारं पॅकेज, आत्ताच करा बुकिंग, फिरा सिंगापूर-मलेशियातील सुंदर ठिकाणं

IRCTC Singapore-Malaysia Package: मे महिना हा पर्यटकांसाठी अतिशय आवडता महिना आहे. या महिन्यात अनेक लोक विविध पर्यटन स्थळांना भेट देऊन पर्यटनाचा आनंद घेतात. तुम्ही देखील मे महिन्यात कुठे प्रवास करण्याची योजना आखत असाल, तर ही माहिती तुमच्यासाठी अतिशय फायदेशीर ठरणार आहे. विशेषत तुम्ही नवविवाहित असाल किंवा रिलेशनशिपमध्ये असाल किंवा विवाहित असाल तर तुम्ही तुमच्या जोडीदारासोबत एक खास टूर प्लान करू शकता. आयआरसीटीसीकडून परदेशात फिरायला जाण्यासाठी एक खास टूर पॅकेज लॉन्च करण्यात आले आहे. IRCTC हे खास हवाई टूर पॅकेज सिंगापूर आणि मलेशियासाठी असून तुम्हाला दोन सुंदर देशांना एकत्र भेट देता येणार आहे.

किती दिवसांचे आहे सिंगापूर-मलेशिया पॅकेज?

IRCTC च्या या विशेष हवाई टूर पॅकेजचे नाव आहे ASIAN EXTRAVAGANZA SINGAPORE MALAYSIA EX CHENNAI (SMO29). हे हवाई टूर पॅकेज 5 रात्री आणि 6 दिवसांसाठी आहे. हे विशेष पॅकेज या महिन्याच्या 24 तारखेला म्हणजेच 24 मे रोजी तामिळनाडूची राजधानी चेन्नई येथून सुरू होईल. ट्रॅव्हलिंग मोड फ्लाइट असेल, ज्यामध्ये चेन्नई ते क्वालालंपूर आणि सिंगापूर ते चेन्नई क्वालालंपूर मार्गे बाटिक एअर मलेशिया फ्लाइटद्वारे असेल.

पॅकेटमध्ये कोणत्या सुविधा मिळणार?

IRCTC च्या या विशेष पॅकेजमध्ये तुम्ही सिंगापूर आणि मलेशियाला प्रवास करू शकाल. यामध्ये तुम्ही सिंगापूरमधील हॉटेलमध्ये 3 रात्री आणि मलेशियामध्ये 2 रात्री राहाल. जेवणाच्या प्लॅनबद्दल सांगायचे तर तुम्हाला या पॅकेजमध्ये दुपारचे जेवण आणि रात्रीचे जेवण मिळेल, तुम्हाला दररोज हॉटेलमध्ये नाश्ता मिळेल. यासह संपूर्ण पॅकेज दरम्यान एक इंग्रजी भाषिक टूर गाइड देखील तुमच्यासोबत असेल. या पॅकेजमध्ये तुम्हाला सिंगापूर आणि मलेशियाचा टुरिस्ट व्हिसाही मिळेल. तसेच 59 वर्षांपर्यंतच्या लोकांनाही या पॅकेजमध्ये प्रवास विमा मिळेल. या टूर पॅकेजच्या किमतीत जीएसटीचाही समावेश आहे.

किती आहे सिंगापूर-मलेशिया पॅकेजची किंमत?

या स्पेशल एअर टूर पॅकेजच्या किंमतीबद्दल बोलायचे झाल्यास सिंगल बुकिंगवर तुम्हाला 1,52,500 रुपये खर्च करावे लागतील, तर डबल शेअरिंगसाठी 1,28,000 रुपये आणि ट्रिपल शेअरिंगसाठी 1,26,000 रुपये खर्च येईल. याशिवाय 2 वर्षे ते 11 वर्षे वयोगटातील मुलासाठी बेड खरेदी केल्यास 1,14,500 रुपये आणि 2 ते 11 वर्षे वयोगटातील मुलासाठी बेड खरेदी न केल्यास 99,500 रुपये खर्च करावे लागतील. तुम्ही देखील हे हवाई टूर पॅकेज बुक करण्याचा विचार करत असाल, तर तुम्ही IRCTC च्या अधिकृत वेबसाईटवर जाऊन ते स्वतः बुक करू शकता.

2024-05-07T15:44:59Z dg43tfdfdgfd