INDIAN NAVY RECRUITMENT 2024: भारतीय नौदलात वैद्यकीय सहाय्यक पदासाठी भरती, आजपासून अर्ज प्रक्रिया सुरू
Indian Navy Bharti, Medical Assistant Vacancy 2024: भारतीय नौदलात भरती होण्याचे स्वप्न पाहणाऱ्या तरुणांसाठी महत्त्वाची बातमी आहे. भारतीय नौदलाने SSR वैद्यकीय सहाय्यकाच्या रिक्त पदांसाठी भरती जाहीर केली आहे. नौदलाने जाहीर केलेल्या अधिसूचनेनुसार, या भरतीसाठी अर्ज प्रक्रिया आजपासून म्हणजे 7 सप्टेंबरपासून सुरू झाली आहे आणि अर्ज करण्याची शेवटची तारीख 17 सप्टेंबर 2024 आहे. या भरतीसाठी पात्र आणि इच्छुक उमेदवार अंतिम तारखेआधी अधिकृत वेबसाइट joinindiannavy.gov.in ला भेट देऊन अर्ज आपला अर्ज दाखल करू शकतात.
अत्यावश्यक पात्रता आणि वयोमर्यादा
या भरतीसाठी उमेदवारांनी भौतिकशास्त्र, रसायनशास्त्र आणि जीवशास्त्र विषयांसह बारावी उत्तीर्ण असणे आवश्यक आहे. तिन्ही विषयात किमान 50 टक्के गुण आणि प्रत्येक विषयात किमान 40 टक्के गुण असावेत. उमेदवाराचे वय 1 नोव्हेंबर 2003 ते 30 एप्रिल 2007 दरम्यान असावे आणि उंची किमान 152.5 सेमी असावी. या भरतीमध्ये केवळ अविवाहित पुरुष उमेदवारच भाग घेऊ शकतात.निवड प्रक्रिया
निवड प्रक्रियेच्या पहिल्या टप्प्यात 12वी पीसीबी गुणांच्या आधारे उमेदवारांची निवड केली जाईल. दुसऱ्या टप्प्यात शारीरिक क्षमता चाचणी आणि लेखी परीक्षा घेतली जाणार आहे. परीक्षेत मिळालेल्या गुणांच्या आधारे गुणवत्ता यादी तयार केली जाईल. या यादीत फक्त त्या उमेदवारांची नावे असतील जे पीईटी, पीएसटी आणि वैद्यकीय चाचणीत उत्तीर्ण होतील.किती पगार मिळेल
निवड झालेल्या उमेदवारांना सुरुवातीच्या प्रशिक्षणादरम्यान 14,600 रुपये स्टायपेंड मिळेल. प्रशिक्षण पूर्ण झाल्यानंतर संरक्षण वेतन मॅट्रिक्सनुसार स्तर-3 वेतन (21,700- 69,100 रुपये) दिले जाईल. याशिवाय 5200 रुपयांचा MSP आणि DA देखील महिन्यात उपलब्ध असेल. ही संधी भारतीय नौदलात करिअर करण्याची चांगली संधी आहे. त्यामुळे इच्छुक उमेदवारांनी वेळेवर अर्ज करावा. या भरतीसंदर्भातील अधिक माहितीसाठी उमेदवारांना अधिकृत अधिसूचना वाचण्याचा सल्ला दिला जातो. नौदल भरतीची अधिसूचना वाचण्यासाठी Indian Navy Medical Assistant Vacancy 2024 या लिंकवर क्लिक करा.असा करा अर्ज
- अर्ज करण्यासाठी सर्वप्रथम joinindiannavy.gov.in वेबसाइटला भेट द्या.
- वेबसाइटवर "Apply online" लिंक शोधा आणि त्यावर क्लिक करा.
- “New registration” लिंकवर क्लिक करा आणि तुमची माहिती भरून नोंदणी करा.
- नोंदणी केल्यानंतर लॉग इन करा आणि तुमचे शैक्षणिक, वैयक्तिक तपशील काळजीपूर्वक भरा.
- सर्व तपशील पडताळून पाहा आणि अर्ज सबमिट करा तसेच अर्ज फी भरा.