POST OFFICE ACT 2023: नवा पोस्ट कायदा सहा महिन्यांत, जाणून घ्या नवीन कायद्याने कोणते बदल होणार...

Post Office in India New act: नवा पोस्ट ऑफिस अॅक्ट,२०२३ लागू झाल्यानंतर अनेक सोयीसुविधा सोप्या होणार आहेत. याचा सामान्यांना मोठा फायदा होणार आहे. हा कायदा लागू झाल्यानंतर कोणत्या बाबी बदलणार आहेत ते पाहूयात..

Post office act 2023 in marathi: भारतीय टपाल विभागाने (इंडिया पोस्ट) १८९८ मधील पोस्ट ऑफिस कायदा बदलायचे ठरवले असून नवा पोस्ट ऑफिस अॅक्ट,२०२३ हा येत्या सहा महिन्यांत लागू केला जाईल, असे पोस्ट विभागाच्या सचिव वंदिता कौल यांनी नुकतेच सांगितले. पोस्ट अधिकारी परिषदेत त्या बोलत होत्या.सेवासुविधांचा कायापालट होणार-

पोस्टाच्या सेवासुविधांचा कायापालट करण्यासाठी नवा कायदा उपयोगी ठरणार आहे. पोस्टाच्या सेवा कालसुसंगत करून नव्या तंत्रज्ञानाने युक्त करण्यासाठी या कायद्याचा वापर करण्यात येईल, असेही कौल म्हणाल्या

सोपा कायदा

पोस्ट कायदा पूर्वीच्या कायद्यापेक्षा सोपा करण्यात आला आहे. जुना कायदा कालबाह्य झाला आहे. जुन्या कायद्यातील अनेक कलमे कालौघात बदलणे आवश्यक झाले आहे

कार्यक्षमता वाढणार-

पोस्टाचा टपालसेवेतील एकाधिकार मोडीत काढण्यात येणार आहे. त्याचप्रमाणे पोस्ट विभागाची निर्णयक्षमताही वाढवली जाणार आहे

पोस्टाचे डिजीटलीकरण-

पोस्टाचा कारभार अद्याप मानवी स्तरावर सुरू आहे. त्याचे स्थित्यंतर डिजिटल कारभाराकडे व्हावे यासाठी नवा कायदा उपयुक्त ठरणार आहे. यामुळे डिजिटल पेमेंटसाठी मदत मिळणार आहे. स्टॅम्पसाठी तसेच अन्य सेवांसाठी पेमेंट करताना याचा उपयोग होईल, याकडेही त्यांनी लक्ष वेधले.