MGIMS RECRUITMENT 2024: महात्मा गांधी वैद्यकीय विज्ञान संस्थेत भरती, वैद्यकीय क्षेत्रातील उमेदवारांना संधी
MGIMS Wardha Vacacny 2024: वर्धा येथे असलेल्या महात्मा गांधी इन्स्टिट्यूट ऑफ मेडिकल सायन्सेस येथे विविध पदांसाठीच्या रिक्त असलेल्या जागा भरण्यासाठी भरती जाहीर करण्यात आली आहे. महात्मा गांधी वैद्यकीय विज्ञान संस्थेत सुरू करण्यात आलेली ही भरती ६० पदांसाठी आहे. या भरतीतून प्रोफेसर, असिस्टंट प्रोफेसर आणि असोसिएट प्रोफेसर या पदांवर पात्र उमेदवारांची नेमणूक केली जाईल. यावरतीच सहभागी होण्यासाठी उमेदवार ऑफलाइन आणि ऑनलाईन अशा दोन्ही पद्धतीने त्यांचा अर्ज सादर करू शकतात.
महात्मा गांधी इन्स्टिट्यूट ऑफ मेडिकल सायन्सेस येथे सुरू असलेल्या ६० पदांच्या भरतीतील पदे पुढील प्रमाणे विभागलेली आहेत-
MGIMS Wardha, Vacant Seats: पद आणि त्यानुसार रिक्त जागा-
- प्रोफेसर - ११ पदे
- असिस्टंट प्रोफेसर - ३२ पदे
- असोसिएट प्रोफेसर - १७ पदे
MGIMS Wardha, Application Process: अर्ज प्रक्रिया-महात्मा गांधी वैद्यकीय विज्ञान संस्थेत सुरू असलेल्या प्राध्यापक सहयोग प्राध्यापक आणि सहाय्यक प्राध्यापक या पदांसाठीच्या या भरतीत सहभागी होण्यासाठी उमेदवारांनी त्यांचा अर्ज सादर करणे आवश्यक आहे. हा अर्ज सादर करण्यासाठी उमेदवार ऑफलाइन किंवा ऑनलाईन पद्धतीचा अवलंब करू शकता. या भरतीत सहभागी होण्यासाठी उमेदवारांनी त्यांचा अर्ज ९ सप्टेंबर २०२४ पर्यंत जमा करणे आवश्यक आहे.
ऑफलाइन पद्धतीने अर्ज सादर करण्यासाठी पत्ता:सचिव, कस्तुरबा हेल्थ सोसायटी, सेवाग्राम. जि. वर्धा.
ऑनलाइन पद्धतीने अर्ज पाठवण्यासाठी ई-मेल आयडी: [email protected]
हे अर्ज सादर केलेल्या उमेदवारांची मुलाखत फेरी पार पडेल. या मुलाखत फेरीतूनच पुढे पात्र उमेदवारांची त्या-त्या पदावर नियुक्ती केली जाईल. ही मुलाखत फेरी १० सप्टेंबर २०२४ रोजी पार पडेल. अर्ज करतेवेळी उमेदवारांनी अर्जासोबत आवश्यक असलेली उमेदवाराच्या शिक्षणाची आणि त्या संदर्भात केलेल्या कामाच्या अनुभवाची हमी देणारी सर्व कागदपत्रे/ प्रमाणपत्रे जोडणे आवश्यक आहे. तसेच मुलाखत फेरीसाठी जातेवेळी उमेदवाराने त्याचा अर्ज आणि त्यासोबत जोडलेल्या सर्व प्रमाणपत्रांच्या मूळ प्रति सोबत ठेवणे आवश्यक आहे. तसेच मुलाखतीच्या वेळी नियोजित स्थळी आणि ठरवून दिलेल्या वेळेवर अचूक पोहोचणे अनिवार्य आहे.
मुलाखत फेरीसाठी पत्ता:डीन कार्यालय MGIMS, सेवाग्राम, जिल्हा. वर्धा.
प्रोफेसर असोसिएट प्रोफेसर आणि असिस्टंट प्रोफेसर या पदांसाठी या भरतीद्वारे नियुक्ती केली जाईल हे नियुक्ती नक्की कोणत्या विषयासाठी आहे हे उमेदवारांना https://www.mgims.ac.in/index.php/component/easyblog/651-walk-in-interview-for-temporary-faculty-position-1?Itemid=1 या नोटिफिकेशन मध्ये तपासता येईल. तसेच या भरतीतील आरक्षित जागांबाबत अधिक माहिती देखील या नोटिफिकेशन मध्ये पाहता येईल. या भरतीतून केली जाणारी नियुक्ती ही तात्पुरती स्वरूपाची असून उमेदवार हे कंत्राटी पद्धतीने त्या त्या पदांवर विशिष्ट कालावधी करिता रुजू होतील.
अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या. 2024-09-07T05:17:56Z dg43tfdfdgfd