SHARAD PAWAR HEALTH UPDATE: सभेदरम्यान शरद पवारांची प्रकृती अस्वस्थ, आजचे सर्व कार्यक्रम रद्द

Sharad Pawar Health Update: देशात सध्या लोकसभा निवडणुकीची रणधुमाळी सुरु आहे. रविवारी या निवडणुकीच्या तिसऱ्या टप्प्यातील प्रचार तोफा थंडावल्या. दरम्यान, एक मोठी बातमी समोर आली. शरद पवार यांच्याशी संबंधीत ही अपडेट आहे. काल बारामतीतील सुप्रिया सुळे यांच्या सांगता सभा पार पडली. या सभेत शरद पवार यांची अचानक प्रकृती बिघडली. ऐन सभेदरम्यान, प्रकृती बिघडल्याने त्यांचे आजचे सर्व नियोजित कार्यक्रम रद्द करण्यात आले असल्याची माहिती राष्ट्रवादी कॉंग्रेस पक्षातर्फे (शरदचंद्र पवार गट) देण्यात आली.

बारामतीत सुप्रिया सुळे यांच्या प्रचाराची काल सांगता झाली. यावेळी सांगता सभा पार पडली. या सभेदरम्यान शरद पवार यांनी भाषणाला सुरुवात करताच त्यांची अचानक प्रकृती बिघडली. त्यांना अस्वस्थ आणि त्रास जाणवल्याने त्यांनी अवघ्या सहा ते सात मिनिटात आपले भाषण आटोपलं. सध्या शरद पवार हे प्रकृतीच्या समस्येने त्रस्त आहे, अशात काल सभेदरम्यान त्यांची प्रकृती खालवल्याने राष्ट्रवादी पक्षात चिंता वाढली. त्यामुळे प्रकृतीच्या दृष्टीने शरद पवार यांचे आजचे सर्व कार्यक्रम रद्द करण्यात आले आहे. शरद पवार सध्या बारामतीतील त्यांचं निवासस्थान असलेल्या गोविंद बागेत आहेत. दुपारी सांगता सभा झाल्यानंतर ते गोविंद बागेत आले, यानंतर आज शरद पवार हे येथेच मुक्काम करणार आहे.

शरद पवार हे महाविकास आघाडीतील प्रमुख नेते असून या निवडणुकीत उमेदवारांसाठी ते राज्यभरात विविध ठिकाणी सभा घेत आहेत. संपूर्ण राज्यभर ते दौरे करत आहे. प्रकृती आणि वयामुळे तसेच सततच्या कार्यक्रमांमुळे दगदग होत पवारांची प्रकृती खालवली आहे.

असे असले तरी लोकसभेची निवडणूक जाहीर झाल्यापासून शरद पवार हे व्यस्त आहे. ते महाविकास आघाडीचे जागावाटप व प्रचाराच्या नियोजनात केंद्रबिंदू राहिले आहेत. लोकसभा निवडणुकांच्या उमेदवारांच्या प्रचारसाठी ते पहिल्या टप्प्यापासून सतत दौरे करत आहेत. दोन दिवसापूर्वी अहमदनगर जिल्ह्यातील प्रचारादम्यान त्यांचा घसा बसला असताना त्यांनी प्रचारसभा घेतली. अशात बारामतीतील सांगता सभेत पु्न्हा त्यांची प्रकृती खालावली आहे. त्यामुळे त्यांचे आजचे सर्व कार्यक्रम रद्द करण्यात आले आहे.

2024-05-06T01:16:44Z dg43tfdfdgfd