SAHYADRI GUEST HOUSE: शाहांच्या बैठकस्थळी पालक जमले, आजारी लेकरं हातात, 'सह्याद्री'समोर आक्रोश करत मोठी मागणी
मुंबई : SSPE या आजाराने त्रासलेल्या मुलं, त्यांचे हाल बघून हतबल झालेले पालक आज थेट मुख्यमंत्री एकनाथ शिंदे यांच्या भेटीसाठी सह्याद्री अतिथीगृहावर पोहोचले सल्याची माहिती समोर आली आहे. मुख्यमंत्र्यांची भेट होत नसल्यामुळे पालकांनी आक्रमव पवित्रा घेत तिथल्या फुटपाथवरच आंदोलनाला सुरुवात केली. मुलांना लस मिळत नाहीय, मुलं आजारी पडत असल्याचं पालक म्हणाले. आजारी मुलं थेट रस्त्यावर आल्याने अनेक पालकांना आपले अश्रु अनावर झाले आहेत. ''आम्हाला पैसे नको, तर सुदृढ आरोग्य द्या'', असा घाट घालत मुलांना फुटपाथवर ठेवत पालकांनी आंदोलन केले.
अमित शाह सह्याद्रीवर
दरम्यान, केंद्रीय गृहमंत्री अमित शाह हे सध्या महाराष्ट्राच्या दौऱ्यावर आहेत. आता अमित शाह हे सह्याद्री अतिथीगृहावर आहेत. सह्याद्रीवर अमित शाह आधी अजितदादा गटाशी चर्चा करणार आहेत. उपमुख्यमंत्री देवेंद्र फडणवीस, उपमुख्यमंत्री अजित पवार आणि सुनील तटकरेही यावेळी उपस्थित आहेत. त्यावेळी पालकांनी सह्याद्रीबाहेर आंदोलन केलं आहे.सरकारने रिसर्च करून लवकर औषध शोधावे
बऱ्याच पालकांनी आपल्या पाल्यांबाबत प्रतिक्रिया दिल्या आहेत. जया बेलकर म्हणून महिला पालक म्हणाल्या की, माझा मुलगा सातवीत आहे. तो अचानक जागेवर बसला, वाडीया रुग्णालयात उपचार केले. त्याला SSPE आजार झाल्याचे स्पष्ट झाले. आमच्याकडे औषधांसाठी पैसे नाही. महिन्याला २५ ते ३० हजार रुपये खर्च आहे. सरकारने रिसर्च करून लवकर औषध शोधावे एवढीच मागणी आहे.त्यानंतर,उर्मिला चव्हाण म्हणाल्या की, माझ्या मुलाचे नाव देवांश आहे. माझा मुलगा बेडवर बसून आहे. अचानक तो आजारी पडला, त्याला बोलता येत नाहीय, त्याला वाकडी आलीय. त्याला SSPE आजार झाला आहे. अचानक ताप आला आणि त्याला आकडी आली. रुग्णालयात गेलो तर त्याच्या डोक्यात ताप गेल्याचं डॉक्टरांनी सांगितले. त्याला रुग्णालयात दाखल केले होते. सर्व चाचणी केल्या पण आजार कळला नाही. आमच्या मुलावर उपचार करा एवढीच मागणी आहे. सरकारने लक्ष द्यावे, या आजाराने दीड ते दोन हजार मुले आहेत. असा आकांत आणि आक्रोश पालकांचा सह्याद्री अतिथीगृहाबाहेर दिसतोय. आता सरकार यावर काय पाऊलं उचलतं हे बघणं महत्त्वाचं ठरणार आहे.