AHMEDABAD MUMBAI BULLET TRAIN PROJECT: बुलेट ट्रेनचे काम सुसाट, दुसऱ्या स्टील ब्रिजचा व्हिडिओ बघितला का ?

Ahmedabad Mumbai Bullet Train Project: अहमदाबाद-मुंबई बुलेट ट्रेन प्रकल्पासाठी नडियादजवळ 100 मीटर लांबीचा दुसरा स्टील ब्रिज आज बसवण्यात आला आहे. साधारणपणे 1486 मेट्रिक टनच्या या स्टील ब्रिजची (Steel Bridge Of Bullet Train) निर्मिती भूज जिल्ह्यातील वर्कशॉपमध्ये करण्यात आली. या ब्रिजचा लाँचिंगचा व्हिडिओ सध्या समोर आला आहे. पंतप्रधान नरेंद्र मोदी यांचा अहमदाबाद-मुंबई बुलेट ट्रेन हा ड्रीम प्रोजेक्ट आहे. (Bullet Train Updates)

बुलेट ट्रेनसाठी 28 ब्रिज बांधण्यात येणार

सगळ्यात महत्त्वाची गोष्ट म्हणजे या ब्रिजवरुन बुलेट ट्रेन जाईल आणि त्याच्या खाली असलेल्या रेल्वे ट्रॅकवरुन वंदे भारत ट्रेन जाणार आहे.

रेल्वे अधिकाऱ्यांनी सांगितले की, या ब्रिजसाठी वापरण्यात आलेल्या स्टीलच्या प्रत्येक भागाचे अल्ट्रासॉनिक टेस्टिंग (UT) करण्यात आले आहे. बुलेट ट्रेन प्रोजेक्टसाठी तयार करण्यात येणाऱ्या 28 ब्रिजपैकी हा दुसरा ब्रिज आहे. पहिला स्टील ब्रिज सूरत नॅशनल हायवे 53 वर बांधण्यात आला आहे. या स्टील ब्रिजच्या निर्मितीसाठी 70,000 मेट्रिक टन स्टीलचा वापर करण्यात आला आहे. (Viral Video Today)

भारतातला पहिला बुलेट ट्रेन प्रकल्प (First Bullet Train Project Of India)

अहमदाबाद-मुंबई बुलेट ट्रेन प्रकल्प हा भारतातील पहिला बुलेट ट्रेन प्रोजेक्ट आहे. अहमदाबाद आणि मुंबई या दोन शहरांमध्ये 508 किलोमीटर लांब बुलेट ट्रेन कॉरिडोर बांधण्यात येणार आहे. या कामाची जबाबदारी नॅशनल हाय-स्पीड रेल्वे कॉर्पोरेशन (एनएचएसआरसीएल) लिमिटेडला देण्यात आली आहे. (Bullet Train Second Steel Bridge Video)

सूरत आणि बिलिमोरामध्ये 2026 मध्ये ट्रायल रन (Bullet Train Trial Run In Surat And Bilimora)

मिळालेल्या माहितीनुसार, गुजरातमधील सूरत आणि बिलिमोरा दरम्यान ट्रायल रन 2026 मध्ये ट्रायल रन होईल. महाराष्ट्राच्या भागात सगळ्यात आधी मार्च 2023 मध्ये काम सुरु करण्यात आले. कारण या प्रकल्पासाठी आवश्यक जमीन उपलब्ध झाली नव्हती. रेल्वे मंत्रालयाने अधिकृतरित्या घोषणा केली आहे की, सूरत आणि बिलिमोराधील 50 किलोमीटरच्या पहिल्या टप्प्याचे काम ऑगस्ट 2026 पर्यंत संपेल. जानेवारी 2024 मध्ये या प्रकल्पासाठी जमीन घेण्यात आली होती.

किती किलोमीटरचा बुलेट ट्रेनचा प्रवास ? (Bullet Train Journey)

बुलेट ट्रेन 320 किलोमीटर प्रति तासपेक्षा जास्त वेगाने धावणार आहे. या बुलेट ट्रेनचा प्रवास 508 किलोमीटरचा असेल. मिळालेल्या माहितीनुसार , 2 तास 58 मिनिटांचा हा प्रवास असेल. मुंबईतून हा प्रवास सुरु होईल. मुंबईनंतर ठाणे, विरार, बोईसर, वापी, बिलिमोरा, सूरत, भरूच, वडोदरा, आनंद आणि अहमदाबाद या स्थानकांवर थांबून साबरमतीला हा प्रवास संपेल. (Stations Of Mumbai Ahmedabad Bullet Train)

2024-04-26T07:00:45Z dg43tfdfdgfd