MAMTA BANERJEE : माईक केला बंद! ममता बॅनर्जी संतापल्या, PM मोदींसमोरच नीति आयोगाच्या बैठकीत राडा

मुंबई : पीएम मोदी यांच्या अध्यक्षतेखाली नीति आयोगाची बैठक दिल्लीत पार पडत आहे. या बैठकीतून पश्चिम बंगालच्या मुख्यमंत्री ममता बॅनर्जी नाराज होऊन निघाल्याची माहिती समोर येत आहे. बैठकीत मुद्दा नीट मांडून दिला नाही तसेच बोलण्यासाठी वेळ फार कमी दिला अशी संतप्त प्रतिक्रिया देत ममता बॅनर्जी यांनी बैठकीतून काढता पाय घेतला. दिल्लीतील राष्ट्रपती भवनातील सांस्कृतिक केंद्रात बैठक सुरु आहे. इंडिया आघाडीतील मित्रपक्षांच्या मुख्यमंत्र्‍यांनी बैठकीवर बहिष्कार टाकत हजेरी लावली नाही पण ममता बॅनर्जी यांनी नीति आयोगाच्या बैठकीला उपस्थिती लावली होती.

बैठकीत काय घडले?

ममता बॅनर्जी म्हणाल्या, मी बैठकीवर बहिष्कार टाकला आहे. चंद्राबाबू नायडू यांना बोलण्यासाठी २० मिनिटे देण्यात आली. आसाम, गोवा, छत्तीसगड या राज्यांतील मुख्यमंत्र्‍यांना बोलण्यासाठी १० ते १५ मिनिटे दिली पण मला फक्त बोलण्यासाठी पाच मिनिटे दिली अशी तक्रार ममता बॅनर्जी यांनी बोलून दाखवली. पुढे ममता म्हणाल्या, इंडिया आघाडीकडून मी एकटीच विरोधक म्हणून प्रतिनिधित्व करत होती, देशाच्या हिताच्या दृष्टीने आणखी बळकटी देणाऱ्या योजना लागू सुरु व्हावी अशाच मानस होता पण नीति आयोगाकडे वित्तीय शक्ती नाही असे उद्गार त्यांनी काढले.

ममता बॅनर्जी यांनी पुढे नीति आयोगावर ताशेरे ओढले. नीति आयोगाकडे वित्तीय शक्ती नाही म्हणजेच पैसे नाही असा घणाघात ममता बॅनर्जी यांनी बोलून दाखवला. म्हणजेच योजनांना आर्थिक मदत करण्यासाठी केंद्राकडे पैसे नाही. केंद्र सरकार चालवताना राज्य सरकारकडे सुद्धा केंद्राने लक्ष ठेवायला हवे. पश्चिम बंगालला केंद्राकडून योग्य निधी दिला जात नाही असा तक्रारीचा सूर काढताच माझा माइक बंद करण्यात आला. सत्ताधाऱ्यांना उलट आंनद झाला पाहिजे होता की मी विरोधात असूनही देश हितासाठी बैठकीत सहभागी झाली अशी प्रतिक्रिया बॅनर्जी यांनी दिली.

केंद्र सरकारच्या अशा वागणुकीमुळे पश्चिम बंगालसह हा माझा अपमान आहे असे ममता बॅनर्जी संतापून म्हणाल्या. नीति आयोगाच्या बैठकीला इंडिया आघाडीच्या सर्वच मुख्यमंत्र्‍यांनी बहिष्कार टाकला आहे. यामध्ये तामिळनाडूचे एमके स्टालिन तसेच केरळचे मुख्यमंत्री पिनराई विजयन, पंजाबचे सीएम भगवंत मान, काँग्रेसचे तिन्ही राज्याचे मुख्मंत्री कर्नाटक, हिमाचल आणि तेलंगानाचे यांनी सुद्धा बहिष्कार टाकला. यासह एनडीए म्हणजे मोदी सरकारचे घटकपक्ष असेलेले नीतीश कुमार सुद्धा बैठकीला अनुपस्थिति होते त्याचे बैठकीला हजर न राहण्याचे कारण अजून समोर आले नाही.

अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या.

2024-07-27T08:28:37Z dg43tfdfdgfd