BADRINATH YATRA : डोंगराचा ढिगारा क्षणात कोसळला, व्हिडिओ आला समोर; हजारो भाविक अडकले

Badrinath Road : उत्तराखंडमध्ये पाऊस नागरिकांसाठी धोकादायक बनू लागला आहे. मुसळधार पावसामुळे डोंगर भुसभुसीत झाला आणि डोंगराचा एक भाग क्षणात कोसळला त्याचा व्हिडिओ आता सोशल मीडियावर व्हायरल होत आहे. मुसळधार पडणारा पावसामुळे राज्यातील रस्ते ते राष्ट्रीय राजमार्गावर पूर्णपणे वाहतूक विस्कळीत झाली आहे. उत्तराखंडचे सीएम पुष्कर सिंह यांनी पावसामुळे प्रभावित परिसराचा आढवा घेतला आहे.बद्रीनाथ राष्ट्रीय राजमार्ग जोशीमठ इथल्या चुंगीच्या नजीक डोंगरचा काही भाग भूस्सखलनात कोसळल्याने काल सकाळी ७ वाजल्यापासून बंद, बद्रीनाथची यात्रा पूर्णपणे ठप्प झाली आहे. बद्रीनाथ धाम यात्रेला गेलेले हजारो प्रवाशी फसले आहेत अशी स्थानिक प्रशासनाकडून माहिती मिळत आहे. रस्त्याच्या दोन्ही बाजूला गाड्याच्या लांब लांब रांगा लागल्या आहेत. स्थानिक प्रशासनाने भक्तांना सुरक्षित जागी राहण्याचे आवाहन केले आहे.

A massive landslide is being reported at Chungi Dhar in Joshimath which has blocked the Badrinath National Highway of #Uttarakhand.#joshimath #landside #earthquake #Dhruv_Rathee pic.twitter.com/lCQrqDqidY

— Neha Bisht (@neha_bisht12) July 10, 2024 ]]>

स्थानिक प्रशासनाच्यामते रस्ता पूर्ववत होण्यासाठी फार काळ लागू शकतो,अशात यात्रेकरुना जागीच थांबण्याचा सल्ला प्रशासनाने दिला आहे. मंगळवारी सकाळीच ७ वाजता जोशीमठ चुंगी इथला डोंगराचा मोठा भाग कोसळला आणि थेट बद्रीनाथ राष्ट्रीय राजमार्गवर पडला त्यामुळे वाहतूक ठप्प झाली. यामुळे रस्त्याचा अर्धा भाग सुद्धा मोठ्या प्रमाणात तुटला आहे, काल सकाळपासून सीमा रस्ते संघटन आणि स्थानिक प्रशासन ढिगारा उपसण्याचे काम युद्धपातळीवर करत आहेत.

𝐑𝐨𝐚𝐝 𝐔𝐩𝐝𝐚𝐭𝐞

बद्रीनाथ राष्ट्रीय राजमार्ग पर पातालगंगा लंगसी टनल के पास पहाड़ी से भूस्खलन होने के कारण सड़क मार्ग अवरुद्ध हो गया है।#UttarakhandPolice @chamolipolice pic.twitter.com/kx2kOSfpJs

— Uttarakhand Police (@uttarakhandcops) July 10, 2024 ]]>

जोशीमठ आणि गुरुद्वारामध्ये बद्रीनाथ यात्रेला आलेल्या काही भाविकांना थांबवण्यात आले आहे.जोशीमठ नजीकचा रस्ता बंद झाल्याने काही नागरिक आपला जीव धोक्यात घालत जोगी धारावरुन इंदिरा पॉइट पर्यंत पायी चालत पोहचलेत. दिल्लीस्थित संदीप अवस्थी आणि पूनम अवस्थी यांनी माहिती दिली काल दुपारी ३ ची हरीद्वारवरुन त्यांची ट्रेन होती, पण रस्ता बंद असल्याने ते अडकून पडले आणि त्यांची ट्रेनसुद्धा गेली.

उत्तराखंडमध्ये आज मतदान सुद्धा आहे, काल जोशीमठ पर्यंत पोलींग पक्ष पायी चालत पोहचले, रस्त्यावर पडलेल्या डोंगराच्या ढिगाऱ्यामुळे सर्व मतदान बूथवर पोलींग अधिकारी सुद्धा पायी चालत पोहचले आहेत.

अशाच अधिक बातम्या वाचण्यासाठी भेट द्या महाराष्ट्र टाइम्सला. ताज्या बातम्या, शहर, देश, अर्थ, क्रीडा, भविष्य आणि लाइफस्टाईल संदर्भातील सर्व बातम्यांचे अपडेट्स मिळवा. व्हिडिओ पाहण्यासाठी मराठी TimesXP ला भेट द्या.

2024-07-10T08:08:28Z dg43tfdfdgfd