TOP 5 DENTAL COLLEGES IN MAHARASHTRA:येथे BDS केले तर लाखो रुपयांचे पॅकेज नक्की! 'ही' आहेत महाराष्ट्रातील टॉप 5 डेंटल कॉलेज

Best Dental college in Maharashtra: वैद्यकीय क्षेत्रात अभ्यास करताना विद्यार्थी त्यातल्या वेगवेगळ्या उपशाखांकडे वळतात. यातीलच एक शाखा म्हणजे दंतचिकित्सा. त्यातदेखील पुढे अनेक उपशाखा आहेत. महाराष्ट्रातील सर्वोत्कृष्ट दंत महाविद्यालयांविषयी माहिती घेऊ.

Government Dental Colleges in Maharashtra: आपापल्या आवडीनिवडी आणि NEET मध्ये मिळालेल्या गुणांवर आधारित विद्यार्थी वैद्यकीय क्षेत्रात कोणत्या शाखेत प्रवेश घ्यायचा याचा निर्णय घेतात. विद्यार्थ्यांना दंत चिकित्सक व्हायचे असेल तर त्यासाठी महाराष्ट्रातील कोणती महाविद्यालये उत्तम असतील हे जाणून घेऊ. सोबतच तिथे उपलब्ध असलेल्या इतर उपशाखांबद्दल माहिती घेऊ​शासकीय दंत महाविद्यालय व रुग्णालय, मुंबई

मुंबईतील फोर्ट येथे असलेल्या या शासकीय दंत महाविद्यालयाची स्थापना १९५१ साली झाली. महाविद्यालयात BDS ( बॅचलर ऑफ डेंटल सर्जरी), MDS ( मास्टर ऑफ डेंटल सर्जरी), दंतचिकित्स्येच्याच वेगवेगळ्या शाखांमधील डॉक्टरीचे अभ्यासक्रम देखील इथे उपलब्ध आहेत, काही फेलोशिप प्रोग्रॅम साठी विद्यार्थ्यांना इथे अप्लाय करता येईल. दंतचिकित्सेच्या पदवी अभ्यासक्रमासाठी इथे १२५ जागा आहेत. पदवीधर अभ्यासक्रमासाठी ५० जागा आहेत. जर विद्यार्थी कोणत्याही डिप्लोमा करत असतील तर त्यासाठी प्रत्येकी १० जागा उपलब्ध आहेत. याबद्दल सविस्तर माहिती gdcmumbai.edu.in इथे मिळेल.

नायर हॉस्पिटल डेंटल कॉलेज, मुंबई

दंतचिकित्सेच्या अनेक जुन्या महाविद्यालयांपैकी एक असलेल्या या महाविद्यालयाची स्थापना १९३३ मध्ये झाली. या महाविद्यालयात विद्यार्थ्यांना दंतचिकित्सेत पदवी अभ्यासक्रम पदवीधर अभ्यासक्रम हे पर्याय उपलब्ध आहेत. पीएचडी करण्यास उत्सुक विद्यार्थ्यांना देखील इथे वाव आहे, दंतचिकित्सेच्या विविध शाखांच्या पदव्युत्तर अभ्यासक्रमासाठी इथे साधारण ६३ जागा आहेत. विद्यार्थी www.nairhospitaldentalcollege.edu.in या संकेतस्थळाला भेट देऊन अधिक माहिती मिळवू शकतात.

शासकीय दंत महाविद्यालय व रुग्णालय, नागपूर

लहाणांपासून वरिष्ठांपर्यंतच्या सर्वांच्या दातांशी निगडीत असलेले, वेगवेगळ्या दंत रोगांशी निगडीत असे एकूण ९ अभ्यासक्रम इथे उपलब्ध आहेत. हे ९ अभ्यासक्रम नक्की कोणते आहेत हे जाणून घेण्यासाठी आणि एकूणच त्याबद्दल अधिक माहिती जाणून घेण्यासाठी gdcnagpur.edu.in या त्यांच्या संकेतस्थळाला भेट द्या. दंतचिकित्सेच्या सगळ्या अभ्यासक्रमांच्या जागा या साधारण १०८ आहेत.

शासकीय दंत महाविद्यालय व रुग्णालय, छत्रपती संभाजीनगर

छत्रपती संभाजीनगर येथे असलेल्या या शासकीय दंत महाविद्यालय आणि रुग्णालयात दंडचिकित्साच्या पदवी अभ्यासक्रमासाठी ६३ जागा उपलब्ध आहेत. दंडचिकित्सेत पदव्युत्तर शिक्षण घेणाऱ्यांसाठी इथे ७ वेगवेगळ्या विषयांचे अभ्यासक्रम उपलब्ध आहेत. यासाठी तिथे एकूण २४ जागा आहेत.

आर्मड् फोर्सेस मेडिकल कॉलेज (AFMC), पुणे

आर्मड् फोर्सेस मेडिकल कॉलेजमधील डेन्टल सर्जरी डिपार्टमेंटमध्ये विद्यार्थ्यांना दंतचिकित्सेचा उत्तम दर्जाचा अभ्यासक्रम अभ्यासता येईल. दंतचिकित्सेच्या तीन वर्षाच्या पदव्युत्तर अभ्यासक्रमासाठी येथे वाव आहे. यासाठी एकूण ८ जागा आहेत. दंतचिकित्सेशी संबंधित इतर अभ्यासक्रम देखील उपलब्ध आहेत. ज्यांची माहिती तुम्हाला afmc.nic.in या संकेतस्थळावर मिळेल.